კაპიტალიზმი (ინგლისურად Capitalism) არის ქვეყნის მოწყობის ეკონომიკური სისტემა, რომლის დროსაც წარმოების საშუალებები კერძო მესაკუთრეების მფლობელობაშია და მესაკუთრეები საკუთარ ქონებას სარგებლის მიღების მიზნით იყენებენ. კაპიტალიზმის ძირითადი მახასიათებლებია: ფასწარმოქმნის საბაზრო მექანიზმი, კაპიტალის დაგროვება, კონკურენტული ბაზრები, კერძო საკუთრების უფლება, ნებაყოფლობითი გაცვლა და შრომის კომერციალიზაცია.
კაპიტალიზმის შემდეგ მექანიზმებს ეყრდნობა: საბაზრო ეკონომიკაში შრომის, საქონლისა და მომსახურების ფასს მასზე მოთხოვნა და მიწოდება ადგენს, დაგროვილ კაპიტალს კი ფინანსური ბაზრები ანაწილებს ინვესტიციების მოგებიანობის მიხედვით.
