ავტომობილების ახალი ბრენდები ქართულ ბაზარზე – ექსკლუზიური წარმომადგენელი, E-Motors Georgia.
E-Motors Georgia-მ, სულ ცოტა ხნის წინ, თბილისში, ბელიაშვილის N49-ში მულტიბრენდული შოურუმი გახსნა. შოურუმში კი, განსაკუთრებულ ყურადღებას ჩინური ავტოგიგანტების მიერ წარმოებული ელექტრომობილები იქცევს.
დღესდღეობით გლობალურ გამოწვევებს შორის კლიმატის ცვლილება ერთ-ერთი ყველაზე მწვავე საკითხია, რომელსაც ჯაჭვური რეაქციის პრინციპით სხვა მძიმე ეკოლოგიური პრობლემები ახლავს. სწორედ ამ კონტექსტში, E-Motors Georgia-ს საინვესტიციო სტრატეგია ფინანსურ გათვლებს სცილდება და კომპანიის მიზნებს შორისაა: ელექტრომობილების პოპულარიზაცია საქართველოში და ელექტროტრანსპორტზე ცნობიერების ამაღლება.
გრძელვადიან პერსპექტივაში, ელექტრომობილის წილის გაზრდა, ავტოპარკის გაჯანსაღებას ნიშნავს. ელექტრომობილებს გამონაბოლქვი არ აქვს. მათი ფართოდ გავრცელებით კი, გარემოს (ჰაერის სითბური აირებით დაბინძურების კუთხით) ნაკლები ზიანი ადგება.
E-Motors Georgia ჩინური ავტომწარმოებელი ბრენდების: IM Motors-ის, Jetour-ის, Dayun-ის, Forthing-ის და Chery-ს ექსკლუზიური პარტნიორია და პირდაპირ მწარმოებლების ქარხნებიდან ახდენს მოდელების იმპორტს, რაც მაღალი ხარისხის ელექტრომობილების ხელმისაწვდომ ფასებში ითარგმნება. E-Motors Georgia-ში წარმოდგენილი უახლესი ელექტრომობილების ფასი 10 000$-იდან იწყება, მოიცავს შედარებით ბიუჯეტურ საფასო კატეგორიასაც და პრემიალურ სეგმენტსაც.
აგრესიული ბაზრის სტრატეგია და გაფართოების გეგმები
E-Motors Georgia გაფართოების ამბიციური გეგმები აქვს – მიმდინარე წლის თებერვალში საქართველოში ელექტრომობილების პირველი ავტორიზებული სერვისცენტრი გაიხსნება. თანამშრომლებმა, რომლებიც უშუალოდ მომხმარებლებს მოემსახურებიან, ჩინეთში, მწარმოებლების ქარხნებსა და ცენტრებში გაიარეს საგანგებო გადამზადება. 2024 წელს აგრეთვე გაიხსნება Jetour-ის შოურუმიც. ქსელის გაფართოება კომპანიის გრძელვადიანი გეგმის ნაწილია, რომლის ფარგლებშიც მომდევნო 2 წლის განმავლობაში სულ 4 ოფიციალური ცენტრი და შოურუმი გაიხსნება. შოურუმები ინოვაციურ მოდელებს მეტად ხელმისაწვდომს გახდის მომხმარებლებისათვის და ბუნებრივია, გააძლიერებს E-Motors Georgia-ს როგორც ინდუსტრიის წარმომადგენლის პოზიციებს.
ირინა დარჩია, E-Motors Georgia-ს გენერალური დირექტორი:
“ჩვენი მხრიდან, ძალიან დიდი ძალისხმევა იქნა გაწეული, რათა მიგვეღო აღნიშნული ბრენდების ექსკლუზიური დისტრიბუტორის/წარმომადგენლის სტატუსი. დღეს უკვე ძალიან ვამაყობთ, რომ ისეთი საერთაშორისო ბრენდებს, როგორებიცაა IM Motors-ი, Dongfeng-ი, Chery, Dayon-ი, საქართველოში წარმოვადგენთ. პირველად, სწორედ E Motors Georgia-ში – იქნება შესაძლებელი ელექტრომობილებისათვის საჭირო და შესაბამისი სერვისის სრული სპექტრი შევთავაზოთ ჩვენს მომხმარებელს.
აქვე უნდა აღვნიშნოთ ის ფაქტიც, რომ ბიზნესის დივერსიფიკაციის აუცილებლობიდან გამომდინარე, ჩვენს ექსკლუზიური ბრენდების პორტფელში წარმოდგენილი გვაქვს ჰიბრიდული და შიგა წვის ძრავების მქონე წამყვანი ჩინური ავტომწარმოებელი ბრენდი Jetour. მომხმარებელს ამ კონკრეტულ ბრენდზე 5-წლიან ქარხნულ გარანტიას ვთავაზობთ.”
კონკურენტული უპირატესობა ქართულ ბაზარზე
E-Motors Georgia ექსკლუზიური სადილერო კონტრაქტებით გამოირჩევა, რაც კომპანიას შესაძლებლობას აძლევს შესთავაზოს მომხმარებლებს 3-დან 8 წლამდე ქარხნული გარანტია ავტომობილებზე (დამოკიდებულია მწარმოებლის მიერ გაცემული გარანტიის ვადაზე).
ადგილობრივ ელექტრომობილების ბაზარზე ლიბერალური ფასები, საიმედოობა, მაღალი ხარისხის after-service E-Motors Georgia-ს მნიშვნელოვანი უპირატესობებია და კონკურენტებისგან მკვეთრად გამოარჩევს.
ბიზნესის დივერსიფიკაციისა და გაფართოების მიზნით, E-Motors Georgia პოტენციური პარტნიორების ძებნას აგრძელებს. პარალელურად კი, როგორც პასუხისმგებლობიანი ბიზნესი, კომპანია ელექტროტრანსპორტის სიკეთეებზე მოსახლეობის ცნობიერების ეტაპობრივად გაზრდას გეგმავს. ელექტრომობილების ფუნქციონალურ მხარეებს, დიზაინის მიმართულებით ინოვაციებს და რაც მთავარია, ელექტროტრანსპორტის მართვის ეკოლოგიურ სარგებელს, ქართველი მომხმარებლები ჯერჯერობით სრულფასოვნად არ იცნობენ.
როგორც გლობალური ტრენდები გვკარნახობს, ავტოინდუსტრიის მომავალი ელექტრომობილებისაა. დაველოდოთ E-Motors Georgia-ს წარმატებებსა და სიახლეებს. S
