თამამი განაცხადის უკან, როგორც წესი, გამოცდილება, ნდობის მაღალი ხარისხი, სიახლეებისკენ სწრაფვის მუდმივი ამბიცია და წარმატებული პროექტებია. ამბავი იმისა, თუ როგორ შეიძლება საკუთარ ქვეყანაში დაწყებული ინვესტირებითა და განვითარების სწრაფი ტემპით, გზა მსოფლიო ასპარეზზე გაიკვალო.
საინვესტიციო-დეველოპერული კომპანია NEXT-ის გამოცდილება პრემიალური პროექტებია. დინამიკური და ცხოვრების თანამედროვე რიტმისთვის მოსახერხებელი – ამ იდეით არის შთაგონებული კომპანიის მასშტაბური პროექტები.
NEXT-ის დასრულებულ პროექტებს შორისაა Raddison Hotel Group-თან და Wydham Hotels & Restorts-თან კოლაბორაციით შექმნილი პირველი ბრენდული რეზიდენციები საქართველოში, საერთაშორისო სტანდარტების მიხედვით შექმნილი სასტუმრო აპარტამენტები და ვილები.
კომპანიის სწრაფი ტემპით ზრდამ, უძრავი ქონების ბაზარზე ინოვაციურმა მიდგომებმა და წარმატებულმა პროექტებმა განაპირობა, რომ NEXT-ის გაყიდვების გეოგრაფიული არეალი საქართველოში საგრძნობლად გაიზარდა, ხოლო გეგმები ქვეყნის საზღვრებს გასცდა.
დეველოპერული კომპანია ახალ პროექტს არაბთა გაერთიანებულ საამიროებში გეგმავს. პროექტი სახელწოდებით Next Coral-ი დუბაის კუნძულებზე განხორციელდება. NEXT-ი ახალი პროექტით საერთაშორისო რუკაზე ოფიციალურად მოინიშნება და სიახლე არა მხოლოდ კომპანიისთვის, არამედ ქვეყნისთვისაც ღირებული იქნება.
Dubai Islands – რა ვიცით NEXT-ის ახალი პროექტის ლოკაციაზე?
საერთაშორისოდ ცნობილი ხელოვნური კუნძულების, Palm Jumeirah-ის გამო, დუბაი ტურისტულად უნიკალური ლოკაციაა, თუმცა თანამედროვე მსოფლიოს ყურადღების ცენტრში ამჟამად ახალი ხელოვნური კუნძული Dubai Islands-ი მოექცა, სადაც Next Coral-ი უნდა განხორციელდეს.
კუნძულების გარდაქმნის გეგმა ტოპ-დეველოპერულ კომპანიას, Nakheel-ს ეკუთვნის. გეგმა დუბაის მომნუსხველ სანაპიროზე ცხოვრების ახალ კონცეფციას განსაზღვრავს. ახალი პროექტით კომპანია NEXT-ი, უძრავი ქონების თვალსაზრისით, მსოფლიოს ყველაზე მოთხოვნად ლოკაციაზე, საერთაშორისო ბრენდებთან ერთად იქნება წარმოდგენილი და მონაწილეობას მიიღებს ხელოვნური კუნძულების ურბანულ განვითარებაში.
Dubai Island – ლოკაციის პროექტის კონცეფცია
გასართობი პლაჟები, სპორტული და გამაჯანსაღებელი სივრცეები, სანაპიროს ელიტარული კლუბები, რეზორტები და ეკომეგობრული სასტუმროები – კუნძულების განვითარების სტრატეგია საცხოვრებლად ინოვაციურ გარემოს მოიაზრებს. მხოლოდ პლაჟები 20 კვადრატული კილომეტრია, სადაც გარემოსდაცვითი ნორმები და უსაფრთხოება მკაცრად იქნება დაცული. კონცეფცია ითვალისწინებს პარკებისა და ღია სივრცეების მოწყობას და გოლფის პრემიუმ კლასის მოედნების აშენებას.
Dubai Islands-ი დუბაის ჩრდილოეთ სანაპირო ზოლის გასწვრივ მდებარეობს და მარტივი მისადგომია როგორც სახმელეთო გზით, ასევე საზღვაო ხიდებითა და წყლის ტრანსპორტით.
Dubai Islands-ის განვითარების ტემპის მოლოდინი ისეთივეა, როგორც Palm Jumeirah-ის შემთხვევაში იყო – სწრაფი, უკონკურენტო და ინოვაციური.
Next Coral – საიმიჯო პროექტი მომავალში ყველაზე მოთხოვნად ლოკაციაზე
პატარა და სწრაფი ნაბიჯებიდან დიდ გადაწყვეტილებამდე – პროექტი იქ, სადაც უძრავ ქონებას ყველაზე სწორად აფასებენ. წარმატებული ბრენდის დინამიკის შესაბამისად, NEXT-ის ახალი პროექტი ბრენდის ნიშას ინარჩუნებს და ერთ-ერთ ყველაზე მოთხოვნად ტურისტულ ლოკაციაზე, პირველ სანაპირო ზოლს დაიკავებს. ის ლოკაციით ახლოს იქნება იახტ-კლუბთან და ცენტრთანაც.
მარჯნის ფორმის, დახვეწილი დიზაინი, ჰარმონიული ექსტერიერი და ინტერიერი, გარემოსთან სრულ თანხვდენაში იქნება. პროექტი დატვირთულია ენერგოეფექტური ელემენტებით, რათა ლოკაციის კლიმატიდან გამომდინარე, მაქსიმალური კომფორტი შენარჩუნდეს.
Next Coral-ი თამამად უპასუხებს საერთაშორისო მოთხოვნებს და სხვადასხვა მოსასვენებელი, გასართობი თუ გამაჯანსაღებელი სივრცეებით იქნება დატვირთული. მსოფლიოს სხვადასხვა წერტილიდან ვიზიტორების მაქსიმალური კომფორტისთვის, სტუმრებს სასტუმროს ავტომობილები და სკუტერები მოემსახურება. პრიორიტეტი იქნება მულტინაციონალური სერვისი, რაც სხვა ფაქტორებთან ერთად, მრავალენოვანი მომსახურე პერსონალით იქნება განპირობებული.
NEXT – უმაღლესი სერვისის მიმწოდებელი ბრენდი
არსებობს რეალური მოლოდინი, რომ Dubai Islands-ი ისეთივე ჩქარი ტემპით გახდება მოთხოვნადი, როგორც თავის დროზე Palm Jumeirah-ი. NEXT-ის პრემიუმ კლასის კომპლექსი კი მსოფლიოს იმ მაღალ სტანდარტებს წარუდგენს, რომლებიც კომპანიამ საქართველოში დაამკვიდრა. არის ამბიცია, რომ ბრენდი თავად გახდეს უმაღლესი სერვისის მიმწოდებელიც და გარანტიც.
აპარტამენტების დაჯავშნა უკვე შეუძლიათ ქართველ მომხმარებლებსაც.
დამატებითი ინფორმაციისთვის ეწვიეთ ბმულს.
S
