განათლება რომ ქვეყნის უკეთესი მომავლის საფუძველია, ამაზე ალბათ ყველა თანხმდება. შესაბამისი ცოდნისა და პროფესიული გამოცდილების მქონე კადრები ხომ, ერთი მხრივ, საკუთარ კეთილდღეობას იუმჯობესებენ, მეორე მხრივ კი — ზრუნავენ ქვეყნის ხვალინდელ დღეზე. სწორედ ამიტომ, საქართველოს ბანკისთვის განათლების ხელშეწყობა ყოველთვის ერთ-ერთი მთავარი პრიორიტეტი იყო. თავისი კორპორაციული სოციალური პასუხისმგებლობის ფარგლებში, ბანკი სხვადასხვა საგანმანათლებლო პროექტს ახორციელებს — იქნება ეს ჩივნინგისა და ფულბრაიტის სასტიპენდიო სამაგისტრო პროგრამები, ნიკა გუჯეჯიანის სახელობის სტიპენდია Miami Ad School-ში სასწავლებლად თუ იდეათეკა. ამ ყველაფერს ერთი მიზანი აქვს — განათლება ყველა ახალგაზრდისთვის თანაბრად ხელმისაწვდომი იყოს.
სწორედ ამ მიზნით, საქართველოს ბანკი მორიგ საგანმანათლებლო პროექტს იწყებს. პარტნიორ უნივერსიტეტებთან ერთად, ბანკი მოტივირებულ, ლიდერობის უნარებით დაჯილდოებულ სტუდენტებს სწავლის დაფინანსების შესაძლებლობას სთავაზობს. სტიპენდია უამრავ ახალგაზრდას მისცემს საშუალებას, არ გაჩერდეს, თავისი მიზნებისკენ სწრაფვა განაგრძოს და ოცნებები რეალობად აქციოს.
რატომ შეიქმნა სტიპენდია
„იმიტომ, რომ გვჯერა ახალგაზრდების და მათი უსაზღვრო შესაძლებლობების და იმის, რომ სწორედ ისინი შეცვლიან ჩვენი ქვეყნის მომავალს უკეთესობისკენ“, — ესაა ის მთავარი მოტივაცია, რის გამოც ხორციელდება ეს მასშტაბური პროექტი და როგორც მანამდე და ახლა, საქართველოს ბანკი მომავალშიც დაუჭერს მხარს ახალგაზრდებს.
სტუდენტობა ცხოვრების ის ერთ-ერთი ყველაზე მნიშვნელოვანი ეტაპია, რომელიც მეტწილად განსაზღვრავს შენი შემდგომი პროფესიული წარმატების ტრაექტორიას. ამ გზაზე კი სხვადასხვაგვარ დაბრკოლებას აწყდები, რომელთა გადალახვაც კიდევ უფრო გაძლიერებს და საბოლოო მიზანთან გაახლოებს. სწორედ ამ გზაზე მედგრად დგომისთვის, მოტივაციის ასამაღლებლად და უბრალოდ განათლებული ახალგაზრდების წასახალისებლად ახორციელებს საქართველოს ბანკი ამ მნიშვნელოვან პროექტს.
რას სთავაზობს საქართველოს ბანკი მათ
საქართველოს ბანკის სტიპენდია მოიცავს სწავლის ერთწლიან, სრულ ან ნაწილობრივ დაფინანსებას. თუმცა, აღსანიშნავია, რომ პროექტი მხოლოდ ერთჯერადად არ ხორციელდება და სტუდენტებსაც ყოველ წელს ექნებათ შესაძლებლობა, თავიანთი მონდომებით და მიზანდასახულობით მოიპოვონ სტიპენდია.
ამისათვის, პირველ რიგში, საჭიროა, აპლიკანტი საქართველოს მოქალაქე იყოს. მას ასევე უნდა ჰქონდეს ლიდერობის პოტენციალი და ინტერესი საბანკო საქმიანობის, ბიზნესის, ტექნოლოგიების ან თავისი უნივერსიტეტის სხვა პრიორიტეტული მიმართულებისადმი. ეს მიმართულებები, როგორც წესი, მოიცავს თანამედროვეობის ყველაზე მოთხოვნად სპეციალობებს — ეგრეთ წოდებულ მომავლის პროფესიებს.
რადგან თითოეული უნივერსიტეტი პრიორიტეტულ მიმართულებებს და, შესაბამისად, კრიტერიუმებსაც თავად განსაზღვრავს, აპლიკანტი თავისი სასწავლებლის ვებგვერდზე უნდა გაეცნოს ინფორმაციას ან თავადვე მოითხოვოს იგი ადმინისტრაციისგან.
უნივერსიტეტების ჩამონათვალი კი ასეთია:
- ილიას სახელმწიფო უნივერსიტეტი
- ივანე ჯავახიშვილის სახელმწიფო უნივერსიტეტი
- თავისუფალი უნივერსიტეტი
- აგრარული უნივერსიტეტი
- საქართველოს აგრარული უნივერსიტეტი
- აპოლონ ქუთათელაძის სახელობის თბილისის სახელმწიფო სამხატვრო აკადემია
- ქართულ-ამერიკული უნივერსიტეტი (გაუ)
- საქართველოს ტექნიკური უნივერსიტეტი
- თბილისის სახელმწიფო სამედიცინო უნივერსიტეტი
- საქართველოს ეროვნული უნივერსიტეტი (სეუ)
- სოხუმის სახელმწიფო უნივერსიტეტი
- იაკობ გოგებაშვილის სახელობის თელავის სახელმწიფო უნივერსიტეტი
- ბათუმის სახელმწიფო საზღვაო აკადემია
- ბათუმის შოთა რუსთაველის სახელმწიფო უნივერსიტეტი
რასაკვირველია, ეს ყველაფერი არ არის. საქართველოს ბანკი სამომავლოდ სხვა უნივერსიტეტებთან თანამშრომლობასაც გეგმავს, რათა განათლების შესაძლებლობა კიდევ უფრო მეტ ახალგაზრდას შეუქმნას.
წაიკითხეთ უფრო მეტი საქართველოს ბანკის სტიპენდიებისა და ბანკის მიერ კორპორაციული სოციალური პასუხისმგებლობის ფარგლებში განხორციელებული პროექტების შესახებ ბმულზე.
S
