საგამომცემლო ინდუსტრია საქართველოში ყოველწლიურად იზრდება — ამ დროისთვის ქვეყანაში დაახლოებით 150 წიგნის გამომცემელი კომპანიაა რეგისტრირებული. წიგნის ბაზრის კვლევა კი აჩვენებს, რომ წლიდან წლამდე იზრდება როგორც გამოცემული ავტორებისა და წიგნების რაოდენობა, ისე მათი ტირაჟი. ეს ტენდენცია შეეხება როგორც თარგმნილ, ასევე ქართულ ლიტერატურას.
საქართველოს წიგნის გამომცემელთა და გამავრცელებელთა ასოციაცია ყოველწლიურად ექვს სხვადასხვა ნომინაციაში ყველაზე გაყიდვადი წიგნების სტატისტიკას აქვეყნებს.
წარმოგიდგენთ 2022 წელს გამოცემულ ბესტსელერ წიგნებს
ბოლო ხუთ წელიწადში საქართველოში გამოცემულ წიგნებს შორის ყველაზე ხშირად უცხოურიდან ქართულად თარგმნილ ლიტერატურას შეხვდებით, თუმცა აღსანიშნავია, რომ მათ მხოლოდ მცირედით ჩამოუვარდება ქართულენოვანი ნაწარმოებები.
წარმოგიდგენთ ქართველი ავტორების ყველაზე გაყიდვად 20 წიგნს, 2022 წლის მონაცემებით:
N | დასახელება | ავტორი | გამომცემლობა |
1 | მეორე შანსი | თინათინ ბერიძე | პალიტრა L |
2 | მზე, მთვარე და პურის ყანა | თემურ ბაბლუანი | სულაკაურის გამომცემლობა |
3 | მოპარული სიყვარული – გახდი ბესტსელერის ავტორი | თინათინ ბერიძე | პალიტრა L |
4 | ჯინსების თაობა | დათო ტურაშვილი | სულაკაურის გამომცემლობა |
5 | აღიარება ხელის გულზე – გახდი ბესტსელერის ავტორი | თათული ღვინიანიძე | პალიტრა L |
6 | შეცდომა – გახდი ბესტსელერის ავტორი | ნათია ჯაგოდნიშვილი | პალიტრა L |
7 | შაშვი, შაშვი, მაყვალი | თამთა მელაშვილი | სულაკაურის გამომცემლობა |
8 | შვიდი მომაკვდინებელი გრძნობა – გახდი ბესტსელერის ავტორი | ნიკოლოზ ტოტოღაშვილი | პალიტრა L |
9 | ვა სოფელო | ზაირა არსენიშვილი | სულაკაურის გამომცემლობა |
10 | მარგალიტები – გახდი ბესტსელერის ავტორი | მარიამ გურგენიშვილი | პალიტრა L |
11 | მიყვარხარ – ქართველი პოეტები სიყვარულზე | პალიტრა L | |
12 | ცდუნება – გახდი ბესტსელერის ავტორი | ნათია ჯაგოდნიშვილი | პალიტრა L |
13 | ტყეების მეფე | დათო ტურაშვილი | სულაკაურის გამომცემლობა |
14 | გროსმაისტერი | სოფო არდია | |
15 | მოთხრობები | იაკობ გოგებაშვილი | პალიტრა L |
16 | კოლაჟი მთვარის შუქზე | ზაირა არსენიშვილი | სულაკაურის გამომცემლობა |
17 | იგი | ჯემალ ქარჩხაძე | ქარჩხაძის გამომცემლობა |
18 | ხვლიკი საფლავის ქვაზე | არჩილ ქიქოძე | სულაკაურის გამომცემლობა |
19 | სამოსელი პირველი | გურამ დოჩანაშვილი | |
20 | საშლელები | თამარ გეგეშიძე | ინტელექტი |
