2018 წელს სათამაშო ბიზნესის მოსაკრებლიდან სახელმწიფო ბიუჯეტში 136.5 მლნ ლარი შევიდა, რაც 2017 წლის მონაცემს 17 მლნ ლარით, ხოლო 2014 წლის მონაცემს კი 71.6 მლნ ლარით აღემატება.
სათამაშო ბიზნესის მიერ გადახდილი მოსაკრებელი 2018 წელს შემდეგნაირად ნაწილდებოდა:
- სათამაშო აპარატებიდან – 75 მლნ ლარი; ზრდა წინა წელთან შედარებით 6.7 მლნ ლარი
- წამახალისებელი გათამაშებიდან – 5 მლნ ლარი; ზრდა წინა წელთან შედარებით 2.7 მლნ ლარი
- სისტემურ-ელექტრონული ფორმის თამაშობიდან – 13.2 მლნ ლარი (2017 წელთან შედარებით 4 მლნ ლარით ნაკლები)
- სამორინეს მაგიდიდან – 41.3 მლნ ლარი; ზრდა წინა წელთან შედარებით 12.5 მლნ ლარი
სათამაშო ბიზნესის მიერ ბიუჯეტში გადახდილი თანხა ბოლო 5 წელში შემდეგნაირი იყო:
- 2018 -136.5 მლნ ლარი
- 2017 – 119.5 მლნ ლარი
- 2016 – 73.3 მლნ ლარი
- 2015 – 68.9 მლნ ლარი
- 2014 – 64.9 მლნ ლარი
მოსაკრებლის მატება საქართველოში ახალი კაზინოების გახსნას უკავშირდება. 2018 წელს ბათუმში 10 კაზინო მოქმედებდა, უახლოეს 5 წელსი კი კიდევ 5-ის გახსნაა დაგეგმილი. 2013-2016 წლებში ბათუმის კაზინოებში ვიზიტორების რაოდენობა 2.3-ჯერ გაიზარდა და 680 000 შეადგინა. აჭარაში 2016 წელს კაზინოების ვიზიტორების 76% უცხოელი იყო.
