დონბასზე იერიშის გაძლიერებისა და ფინეთისა და შვედეთის მიერ NATO-ში გაწევრიანების საკითხის განხილვის პარალელურად, რუსეთმა საკონტინენტთაშორისო ბალისტიკური რაკეტა Sarmat-ი გამოცადა – იარაღის გაშვება პლესეცკის სახელმწიფო კოსმოდრომიდან მოხდა, რომელიც არხანგელსკის ოლქში, ფინეთთან ახლოს მდებარეობს, – სამხედრო ცდების ვიდეო ქვეყნის თავდაცვის სამინისტრომ ტვიტერზე გამოაქვეყნა.
🇷🇺Today at 15:12 Moscow time, Sarmat, land-based intercontinental ballistic missile, was successfully launched from a silo at the Plesetsk state testing cosmodrome in Arkhangelsk Region. pic.twitter.com/xLsAUIDdIX
— Минобороны России (@mod_russia) April 20, 2022
საკონტინენტთაშორისო რაკეტის სატესტო გაშვებას რუსეთის პრეზიდენტი, ვლადიმირ პუტინიც ესწრებოდა: „ეს უნიკალური იარაღი ჩვენი შეიარაღებული ძალების სამხედრო პოტენციალს გაზრდის და გარეშე საფრთხეებისაგან რუსეთის სათანადოდ დაცვას უზრუნველყოფს, ხოლო იმათ, ვისაც აგრესიული სამხედრო რიტორიკის ფონზე ჩვენი ქვეყნის დაშინება სურთ – ხელმეორედ დააფიქრებს“, – განაცხადა ვლადიმირ პუტინმა.
აღსანიშნავია, რომ ბირთვული იარაღის გამოყენებაზე ვლადიმირ პუტინი რუსეთ-უკრაინის ომის დაწყების შემდეგ რამდენიმე დღეში ალაპარაკდა – ამასთანავე, მან არაერთხელ აღნიშნა, რომ ომში სხვა ქვეყნების ჩართვას „ამ დრომდე არნახული შედეგი“ მოჰყვებოდა.
